Boksista na’in-38 partisipa Kampionatu Nasional

DILI-Boksista na’in-38 partisipa iha abertura kampionatu nasional iha loron dahuluk ne’ebe Realiza husi Federasaun Boxe Amadora Timor-Leste (FBATL) iha resintu SEJD sesta (10/12).

atividade hetan atensaun makas husi adeptus hodi asiste boksista nain-38 ne'ebe sei enfrenta jogu dala-19.

" Ohin boksista sei joga da-19 ne’ebe husi boksista hamutuk na’in-38 no agradese ba adeptu Sira Marka prezensa hodi haree boxista" hateten diretor ezekutivu Janio Tilman iha nia diskursu, iha resintu SEJD sesta (10/12).

Atividade refere sei lao regularmente, kada tinan dala-1, ho intensaun atu fo opurtunidade ba boksista sira atu sae ring nomos nu'udar meius ba kualifika boxista senior ne'ebe sei tuir eventu internasional iha tinan oin.

Diretor hatutan, "kada tinan realiza jogu para boksista Sira bele hetan oportunidade sae ring hodi hetan kualidade boksista sira, boksista ohin junior Sira joga sei la halo selesaun no halo selesaun ba senior sira hodi dezenvolve sira tanba sei iha kompetisaun internasional iha tinan oin"

Atividade ida ne'e akontese tamba hetan finanseiru husi Sekretariu Estadu Joventude no Desportu.

"Atividade ne'e hetan apoiu husi SEJD ho osan montante 18,500 USD", nia sublinha.

Enkuantu boksista fahe ba klase layan ringan ho batang junior ne’ebe partisipa iha loron dahuluk hodi partisipa kompetisaun nasional Ida ne’e hodi prepara mentalidade no jogu ba federasaun hodi tau atensaun ba Sira iha fururu.

Rezultadu husi jogu husi klase ne’e rua ne’e mak partisipa husi boksista Mane hamutuk 34 no feto haat ne’e Mane hamutuk 17 no Feto 2 Mak manan iha jogu ne’e, husi jogu ne’e manan iha ronde tolu hamutuk 14, KO rua no TKO rua no wo ida.

Klube Sira ne’ebe hamutuk iha kompetisaun ne’e iha loron dahuluk mak hanesan klube Asosiasasaun Lospalos, Asosiasaun same, Benfica boxing club, cavalo boxing club, Bairo pite boxing club, ABBA, lorico boxing club, Dili boxing club, oriental boxing club, fomentu boxing club, colmera boxing club, SLB boxing club, manu mata boxing club, scorpion boxing club, farol boxing club, Mascarenhas boxing club, Tomas Americo boxing club, forca boxing club no sira seluk Tanba kompetisaun nasional hala’o durante loron tolu ka haat nia laran ne’ebe sei partisipa husi klube boxing sira iha Timor laran husi junior ho senior feto no Mane tanba federasaun halo kompetisaun nasional hodi halo selesaun nasional ba kompetisaun internasional iha tinan oin.

Rep.: ADS