Fernando Batista Xavier: Janeiru 2022 AFTL sei simu rezistrasaun ba jogu juvenil

Dili - Janeiru tinan oin Asosiasaun Futsal Timor Leste (AFTL) sei simu rezistrasaun ba kompetisaun jogu juvenil sub 14

Asuntu ne'e hato'o husi Sekretáriu Jerál Asosiasaun Futsal Timor Leste (AFTL), Fernando Batista Xavier ba jornalista sira iha kampus UNTL segunda (13/12/2021).

Agora dadaun AFTL iha planu atu organiza fali kompetisaun Juvenil para buka fini ba jogador futuru nian ne'ebé tuir planu ami sei realiza iha fulan fevereiru.

"Entaun iha fulan Janeiru hanesan ne'e ami sei anunsiu ba públiku liu liu ba Klubu partisipante 24 ne'ebé foin lalais tuir Pra Liga Futsal komesa halo rezistrasaun hodi bele implementa ita nia jogu juvenil sub 14" tenik Fernando.

"kompetisaun futsal ne'e mós importante tebes oinsá ita atu garante rejerasaun ba iha jogador sira entaun ita presiza perpara fazeadamente husi Juvenil, junior too ba senior". Fernando haktuir.

Nia dehan, AFTL esforsu no sei foti regras rigurozu atu verifika dokumentu sira atu nune'e labele iha falsifikasaun ba dokumentu

Tuir kampu ne'ebé mak AFTL atu uza ba relizasaun jogu juvenil ne'e sei hili kampu ida entre kampu futsal SEJD, Habibie no kampu multifunsaun Bebora

Orsamentu ne'ebé mak atu apoiu jogu futsal ne'e sei mai husi Federsaun Futebool Timor-Leste (FFTL) no mós iha disponivel hodi halo karta Sekretariu Estadu Joventude no Desportu (SEJD) tanba sira mós iha programa prioridade ida mak atu apoiu ba jogu juvenil.

Rep.: CharllY