Eng. Arbão Saldalha Asina akordu ho Arsenio Paixão Bano hodi implementa atividade Desportu RAEOA

Dili - sexta (10/12) ohin Sekretáriu Estadu Joventude no Desportu Eng. Abrão Saldalha Asina akordu ho Prezidente Autoridade Reziaun Administrativu Espesial Oecuse Ambeno Sr. Arsenio Paixão Bano hodi implementa atividade Desportu RAEOA.

Hafoin Asina akordu Sekretariu Estadu Joventude no Desportu (SEJD), Eng. Abrão Saldana ba jornalista sira, objetivu husi akordu Ne'e atu bolu kontratu entre organiku ida ho autoridade RAEOA atu ajuda implementa atividade Desportu sira.

"Objetivu husi akordu ne'e atu bolu kontratu entre organiku ida ho autoridade RAEOA atu ajuda implementa atividade ne'ebé planeadu iha nasionál liu liu atividade Desportu Eskolar ho komunitariu" dehan Abrão Saldana iha gabinete ZEESM farol Dili.

Membru Governu ne'e hatete, “RAEOA kria ho nia lei estatutu propriu, inisiativa planu ba finsnsas entaun saida mak akordu ne'ebé mak iha entaun halo atividade sira iha ne'ebá, autoridade presiza ajuda entaun halo akordu entre organiku ida ho atutoridade no agradese tanba autoridade disponivel atu kolabora ho SEJD atu implementa atividade ne'ebé SEJD propoin ba”.

"Orsamentu ba atividade rua ne'e hotu besik 40 mill dólar. La'ós orsamentu boot kompara ho RAEOA nia orsamentu" dehan membru Governu ne'e.

Iha fatin hanesan prezidente autoridade RAEOA Arsenio Paixao Bano hatete, nia Agradese ba SEJD tanba sempre hanoin RAEOA.

"ha'u Agradese ba SEJD tanba sempre hanoin RAEOA delegasaun kompetensia serbisu ne'e RAEOA sempre prontu atu hala'o" dehan Arsenio

"ha'u hanoin programa ne'e sei fo benefisiu ba estudante sira no komunidade suku 18 no subrezional 4 ne'e no tempu badak ami sei informa fali ba SEJD kona ba problema sira ne'e" tenik Arsenio.

Arsenio hatutan Iha jogu Eskolar sei bele hili tuir fasilidade ne'ebé mak RAEOA iha, tanba jogu ne'e importante mak bele iha partisipasaun husi komunidade sira

Rep.: CharllY