Macario Sanchez Hetan fiar hodi lidera CDTL ba periodu 2021-2025

DILI- Macario F. Sanchez eleitu prezidente CDTL liu husi votasasaun iha asembleia jeral Confederacao Desporto Timor-Leste (CDTL) Sigla Portuges dalimak ba periodu 2021-2025.

Macario F. Sanches eleitu nu’udár Prezidente CDTL hafoin compete ho Afranio X. do Amaral iha Asembleia Jerál. Iha ne’ebé, Macario hetan fiar husi delegadu nain-14 husi nain-25 husi kada federasaun ne’ebé iha direitu ba vota.

“Ohin eleitu sai prezidente CDTL, hanoin prinsipal mak halo mudansa iha CDTL hodi reforsa instituisaun ida ne’e, ba futuru presiza mellora aspetu administrasaun no funsionamentu sekretariuriadu ho diak tanba sekretariadu ne’e mak bele atende no trata federasaun sira”, Prezidente Eleitu CDTL Macario F. Fernandes ba JHD iha Xanana Sport Center, Bairro Formosa, Dili sabadu (11/12).

Iha atividade refere hetan partisipasaun masimu husi parte Governu liuhosi Sekretáriu Estadu Joventude no Desportu, nu’udár komitmentu Governu nian hodi tulun no fasilita kualker koiza posivél ba federasaun sira hotu.

“ami tenki fo parabens no kongratula SEJD Abrao N. Saldanha ho nia estrutura, fo nia tempu tomak hamutuk ho delegadu/a federasaun sira iha asembleia ida ne’e hatudu sinal katak atu mellora federasaun sira, tanba ne’e mak ami-nia pakote eleitu sei halo komunikasaun intensivu ho SEJD atu nune’e programa ne’ebe ami halo tenki aprezenta ba SEJD atu nune’e hetan konkordansia ba implementasaun nian para governu liuhosi SEJD bele aloka orsamentu para bele promove federasaun sira iha fatin hotu-hotu”. Prezidente Eleitu hateten

Iha servisu uma laran balun ne’ebé seriu no tenki tau atensaun sedu, hanesan tetu federasaun ne’ebé sei afilia iha tuir mai no federasaun afiliadu tuan ne’ebé ladun ka laiha atividade.

Macario informa, “depois sei tur hamutuk atu dezenvolve promesa ne’ebe mak aprezenta ona ba programa tinan haat nian, Kona ba federasaun foun sira atu mai afilia, ami sei haree ba diploma ministeriál numeru 40 ba rekezitu tanba sei iha programa ida halo baze ba dadus para atu haree federasaun sira-nia atleta no rekursu hafoin sei internaliza organizasaun ida ne’e. ba federasaun ne’ebe afilia kleur tiha ona iha CDTL maibe programa la iha, ida ne’e mak diploma ministerial numeru 40 no dekretu lei numeru 10/2011 ba utilidade publiku para atu haree lolos ba federasaun sira para bele tau sasan federasaun sira ne’ebe mak rejistadu maibe la iha , haree hotu ida ne’e para mellora federasaun sira”.

Atu labele no evita komflitu interese entre estrutura CDTL ho Federasaun afiliadu sira maka Prezidente atual labele iha dupla funsaun. Katak labele asumi kna’ar nu’udar Prezidente CDTL nomos kargu seluk iha Federasaun tuir lei ne’ebé vigór iha Timor – Leste.

Nia informa, “diploma ministerial mos hatun katak ba prezidente CDTL nian labele dupla funsaun, tanbá ha’u mos aktual vise prezidente Federasaun Shorinji Kempo Timor-Leste (FSKTL) bele rejigna an husi kargu ne’e tanba eleitu ona prezidente CDTL periodu 2021-2025, ho nune’e bele foku ba kargu foun ne’e”.

Asembleia refere partisipa husi Federasaun hamutuk 34, iha ne’ebé 9 mak federasaun foun ne’ebé prosesu hela rejista nu’udár membru CDTL nu’udar observador no federasaun 25 mak federasaun ne’ebé afiliadu kleur on aba CDTL husi federasaun 28. Enkuantu federasaun ne’ebé la marka prezensa mak hanesan ; Basketball, Corrida de Cavalo Sigla Portuges no Kanoajen.

Rep.: ADS