OJE 2021 : kondisaun la permite, SEJD ezekuta de’it 78 %

Dili - Sekretáriu Estadu Joventude no Desportu (SEJD) ezekuta de'it Orsamentu Jerál Estadu (OJE) 2021 nian ho de'it pursentu 78 (%) ka osan ho montante $ 7.391.394,66 tanba kondisaun la apoiu hodi hala’o atividade.

Sekretáriu Estadu Joventude no Desportu , (SEJD) Abrao Saldalha hato'o asuntu ne'e ba jornalista sira iha gabinete ZEESM farol Dili sexta (10/12/2021).

"2021 felizmente ita labele ezekuta hotu orsamentu ne'ebé mak iha tanba ita boot sira rasik hatene atividade sira ne'ebé tenke halo primeiru semestere husi Janeiru to'o mai Juñu ne'e ita la konsege halo tanba situasaun Covid-19 pikun iha Juñu" dehan Abrao.

Membru Governu ne'e hatete, atividade sira ne’e la la'o entaun atividade sira ne'e barak osan seidauk uza entaun ezekusaun to'o agora iha de'it 78 % iha cash seidauk sura kompromisiu.

"atividade sira ne’e la la'o entaun atividade sira ne'e barak osan seidauk uza entaun ezekusaun to'o agora ita iha 78% iha cash seidauk sura kompromisiu ami tenta posivel hotu ha'u ko'alia tia ona iha Parlamentu katak sé bele liu masimu ami 85% la bele liu ida ne'e ami tenke realistiku tanba osan ba tempu liu tia ona" tenik Abrao.

Nia dehan, tempu ida ninian ne'e iha momentu ne'e Serka Sanitaria (SS) sira la bele halo ona entaun labele inventa fali agora.

Abrao esplika, 75% ne'e halai liu ba iha area joventude hanesan emprededorizmu suku, sira agora dadaun la'o hela, inisiativa kauze 400 – resin no suku sira 400 - resin.

Desportu ne'e mak Desportu komunitariu hahú hala'o tiha ona iha Munisípiu sira kampeonatu sira hahú la'o fali tiha ona Liga Futebool rasik iha ona.

Formasaun sira mak interompe tiha oituan balu halo tiha ona balu foin atu halo fila fali liuliu area arbitrajén no treinadó sira iha área joventude nian.

Eventu sira hanesan Festivais 12 Novembru halo tiha ona formasaun, enkuantu COVID-19 konsege interompe de’it area desportu.

Enteretantu OJE 2021 ne'ebé aloka ba SEJD ho montante $ 9.476.147, ho nune’e iha posibilidade osan ho montante $ 2.084.752,34 mak sei fila ba kofre estadu.

Rep.: CharllY