SEJD Aloka 21.135 USD ba FSKTL Realiza kampeonatu Nasionál ba dala VIII

Dili - Governu liu husi Sekretáriu Estadu Joventude no Desportu (SEJD) Aloka orsamentu 21.135 ba Federsaun Shorinji Kempo Timor Leste (FSKTL) hodi realiza kampeonatu nasionál ba dala VIII.

''Kompetisaun ne'e hanesan atividade regular ida ne'ebé mak trasa ona iha planu asaun anual Federsaun Shorinji Kempo (FSKTL) nian" Dehan prezidente (FSKTL) Miguel Manitelu ba jornalista sira iha salaun Universidade da Paz (UNPAZ) Surikmas Dili segunda (06/12/2021).

Prezidente FSKTL haktuir, atividade ne'e hala'o tarde oituan tanba situasaun iha rai laran maibé ho graca Maromak nian ita konsege realiza.

nia hatutan, tanba hetan tulun husi Governu liu husi Sekretária Estadu Joventude no Desportu (SEJD), ne'ebé kompetisaun ne'e bele regular ba atleta Kempo sira.

Iha fatin hanesan Prezidente Komisaun organizadora Serviano Cardoso informa "Iha perpasaun ida ne'e ami iha dezafiu Bali liu liu kona ba alokasaun ne'ebé mai husi SEJD atraza los entaun ami halo perpasaun ba kondisaun ho minimu tebes, maibé ami hakarak hatudu kompetisaun ne'ebé mak ho kualidade ida ne'e mak ami nia komitmentu boot".

“Kompetisaun ne'e realiza tanba hetan apoiu fundus husi SEJD fundus ne'ebé mak FSKTL hetan husi SEJD hamutuk 21.135 husi orsamentu ne'ebé mak simu husi SEJD ba faze perparasaun sira ezekuta ona 6.314 mak gasta ona ba faze perparasaun nian" dehan Serviano Cardoso.

Nia hatutan, tinan tinan sempre uza GMT ne'ebé agora muda naran ba GDD maibé tinan ne'e halo rehabilitasaun entaun la konsege hetan autorizasaun para atu utiliza nune'e ami fila fali mai UNPAZ hodi realiza atividade ne'e.

Partisipa iha kompetisaun ne'e mai husi Branch 4 mak hanesan Lospalos, Baucau, Maliana, Dili inklui Dojo Ermera ida ne'e maka partisipa iha atividade kompetisaun Nasionál husi atleta sira ne'ebé mai husi branch 4 no dojo ida ne'e totál atleta hamutuk 100 klase senior 50 no junior 50 kompostu husi feto 39 no mane hamutuk 61.

Kompetisaun ne'e sei hala'o durante loron tolu hahú husi loron 06 Dezembru too loron 08 Dezembru

Partisipa iha abertura Kompetisaun Nasionál Federsaun Shorinji Kempo Timor Leste (FSKTL) ne'e mak Diretora Nasionál Alta Kompetisaun, Sekretáriu Estadu Joventude no Desportu (SEJD) Maria Luiza Monteiro, Diretor Desportu eskolar Joao Dos Santos, Prezidente Konfederasaun Desportu Timor Leste (CDTL), Afranio Xavier, Prezidente Komisaun Reguladora Arte Marsiais (KRAM), Octavio da Conceicao, Magnifiku Reitor Universidade da Paz (UNPAZ), Adolmando Amaral no Prezidente Federsaun Shorinji Kempo Timor Leste (FSKTL) Miguel Manitelu ho estrutura tomak husi FSKTL nain.

Rep.: CharllY