AD. S.L.B. hakat ba Final “Taça Rosa “Muki” Bonaparte epoka 2021

DILI- AD SLB Laulara hakat ba Final Tasa Rosa Mukit epoka 2021 hafoin halakon Maranatha FC iha semi final ho skore 2-1 iha kampu FFTL Bairro Formosa, Dili Kuarta (8/12).

Observasaun jornalista iha jogu semifinal ne’e ekipa rua hatudu jogu diak tebes tanba Halo presaun ba malu Liu husi kontra atake.

Iha jogu parte dahuluk AD SLB Laulara halo presaun makaas kedas ba nia adversariu no nia adversariu mos halo kontra atake makaas ba sira maibe iha minutu tolu jogadora avasadu Elvira da Silva numeru kamizola 22 marka kedas golu Ida ba baliza Maranatha FC Aqueda da C. Ximenes la asegura nia rede hodi muda skore 1-0 hafoin iha minutu 30 ekipa AD SLB Laulara aumeta tan golu ida liu husi jogadora avasadu Julia Belo numeru kamizola 19 ba guarda rede adversariu la Salva nia rede hodi muda skore 2-0.

Maibe iha sorin seluk Maranatha FC halo presaun ba nia adversariu hodi marka golu Ida ba Baliza AD SLB Laulara Agustinha Noqueira la konsege asegura nia rede husi jogadora mediu Olvince Wenda husi estranjeiru (Papua, Indonesia) numeru kamizola 10 hodi muda skore ba 1-2 maibe nia adversariu nafatin lidera to’o jogu 45 minutu parte dahuluk remata ho skore 2-1.

Tama iha parte daruak iha minutu 5 nia laran jogador Marantha FC halo kedas presaun ba nia adversariu atu halo empate maibe la konsege tanba jogador adversariu la fo oportunidade ba sira marka golu.

Iha minutu 52 jogadora mediu AD SLB Laulara Milena Saldanha numeru kamizola 28 hetan bola iha area defeza adversariu nian hodi hetan oportunidade suta ba Baliza Maranatha FC maibe baliza adversariu simu kedas bola ho diak hodi Salva Nia rede para bola labele Tama ba Nia rede laran.

Tama minutu 63 jogador mediu AD SLB Laulara Vanessa Fernandes numeru kamizola 17 konsege tiru bola ba Baliza adversariu maibe bola suta dok husi area baliza nian.

Iha minutu 67 jogador avasadu Maranatha FC Azia Bria numeru kamizola 27 konsege suta bola iha area defeza adversariu nian ba baliza maibe la konsege tanba guarda rede simu bola ho diak tebes.

Tama iha minutu 70 jogador avasadu AD SLB Laulara Elvira da Silva numeru kamizola 22 hetan bola husi baliza ne’ebe la kaer metin hodi bola ba kedas jogador adversariu ne’e nia ain maibe nia suta ba iha rede leten la konsege marka golu.

Iha parte daruak ekipa halo mudansa ba ida-idak nia ekipa hodi troka jogadora sira maibe la muda skore tanba jogador ekipa rua defende makaas nia area.

Ekipa rua nafatin halo jogu iha minutu ikus maibe Sira la konsege marka golu to’o minutu 90 remata entaun AD SLB manan Marantha FC ho skore 2- 1 hodi hakat ba Final Tasa Rosa Mukit tinan ne’e hodi kontra S’Amuser FC.

Rep.: Augusto