Dili – Argumentu ida ne’e diretor relasaun públiku LFTL Diogo Neto hato’o bainhira halo klarifikasaun ba konzaun ne’ebé koloka husi Prezidente klubu Emmanuel Fc Aleixo do Carvalho Monteiro.
Konfuzaun ne’e mosu tan komparasaun premiu entre Liga Amadora Segundo Divisaun, premiu ba Kampeaun $10.000 dólar no muda semi Profesional tun fali ba $5.000 dólar.
"ita la'o ho amadora $10.000 depois ita ba fali semi profesional tun fali ba $5.000 ida hanesan ida ne'e mak ba futuru ne'e tenke hadia" dehan prezidente klubu Emmanuel Fc Aleixo do Carvarinho ba jornalista sira iha Estadion Munisipal Dili sabadu (11/12) foin lalais ne'e.
Aleixo arugumenta, tempu badak halo revolusaun ba statutu ne'e para tun ba $5.000 para $10.000 ne'e hasai tiha.
"Ha'u hanoin katak ha'u la'ós la satisfaz, lae ha'u hakarak ko'alia regras estatutu Futebool Timor-Leste katak segundu divizaun ne'ebé sai Kampeaun tenke $10.000 no Primeiru divizaun mak 15.000. Nu'udar Futebool tenke simu ho fuan boot maibé ha'u hakarak hatete de'it katak labele viola regras statutu Futebool Timor-Leste ne'e, ita la bele viola ida ne'e mak ita hotu nia hakerek"
Hatan ba preokupasaun prezidente Emmanuel Fc nian ne'e diretor relasaun públiku LFTL Diogo Neto fraga klarifika, la ko'alia kona-ba Kampeaun maibé so iha regulamentu joga mak hakerek kona ba ne'e
"Primeiru ha'u hakarak koreksi lai, iha estatutu la hakerek buat hanesan ne'e, so regulamentu do jogu mak hakerek kona-ba ida ne'e, kona ba premiu do jogu ne'e ita iha artigu 62 Se iha parte balu hatete dehan $10.000 dólar ba segundu divizaun ida ne'e ha'u hatete dehan ne'e la loos" dehan Diego Neto Fraga hodi kalarifika permisaun prezidente Emmanuel Fc.
"Maibé infelismente iha ne'ebá iha artigu 62 iha númeru 3 dehan katak segundu divizaun ne'ebé Kampeaun nia premiu Kampeaun mak $5.000 dólar" tenik nia
Nia haktuir “Kompetisaun ida agora ne'e la'ós Full Kompetisaun ne'ebé premiu ba jogu kabe ba iha orsamentu Sekretariu Estadu Joventude no Desportu (SEJD) nian no liaga tau nafatin 5.000 dólar”
Nia dehan “parte balu keta ladún satisfaz odamatan Liga Futebool Timor-Leste (LFTL) nakloke atu fo hatene ba malu”.
Rep.: CharllY