DILI- ekipa rua Lalenok United FC ho KarKetu Dili FC fahe pontu, fo oprtunidade ba klube Tolu atu sai kampiaun iha divizaun dahuluk Liga Futebol Timor-Leste (LFTL) epoka 2021.
“Ohin ami esforsu atu manan ekipa Karketu Dili FC maibe Ami fahe pontu ho ekipa adversariu, fo oprtunidade ba klube seluk atu sai kampiun”, treinador Lalenok United FC Gaspar Amaral ba jornalista iha Stadium Munisipal Dili Segunda (13/12).
Treinador hatutan, “ba jogu oin Mai Sira sei joga esforsu nafatin tanba seidauk hatene se Mak sai kampiun maski Sira nia oprtunidade atu sai kampiaun mihis ona no ohin sira-nia jogador hetan kartaun mean tanba hetan provoka husi jogador adversariu arbitrajen foti desizaun ona entaun Sira joga defensivu deit ona”.
Iha Sorin seluk Manager Karketu Dili FC Antonio Timoteo hatete, “ohin esforsu atu sai manan maibe Sira fahe pontu hanesan ho ekipa adversariu maibe Sira nafatin lidera tabela klasifikasaun divizaun dahuluk LFTL iha jornada ikus, maski ohin Sira Nia jogador barak Liu Sira maibe Sira Nia jogador ladun aproveita ho Sira Nia intelijensia”.
Ho resultadu refere maka iha klube tolu, As Ponta Leste, Lalenok United Fc ho Karketu Dili Fc sei iha opurtunidade nakloke atu sai kampiaun.
Rep.: ADS