Dili - Golu husi Gelvanio Alberto iha minutu ikus salva Karketu Dili Fc, husi derota kontra Lalenok United Fc, no obriga jogu termina ho score 1-1
Jornada da - lima Liga Futebool Timorense Primeira Divizaun epoka 2021 entre Karketu Dili Fc kontra Lalenok United Fc, ne'e hala'o iha Estadio Munisipal Dili, segunda (13/12/2021).
Iha inisiu jogu primeira parte ekipa rua hotu hotu tun ho ambisaun aas hodi marka golu, liu husi kontra ataka maibé iha jogu ne'e ekipa Lalenok United Fc ne'ebé mak lansa kontra ataka desde inisiu jogu konsege domina bola no lansa suta fila faila ba Karketu Dili Fc.
Tama iha minutu ikus molok atu termina jogu primeira parte Lalenok United Fc lidera kedas ho score 1-0, hafoin Daniel Adade susesu fura rede, armada Matak Malirin iha minutu 45+1neebe mak hein husi Frengky Cardoso.Score refere mantein to'o termina jogu primeira parte.
Kontinua ba jogu segunda parte ekipa rua tensi jogu komesa manas liu tan no tama ba iha minutu 49 Soares Pementel suta dala ida ba rede Karketu maibé sei bele antisipa husi guarda rede.
Tama iha minutu 57 Hermino hetan oportunidade hodi aumenta tan golu maibé oportunidade ne'e la aproveita ho di'ak ho nune'e la rezulta golu.
Karketu foin responde golu husi Lalenok United Fc nian hodi halo empata score ba 1-1 liu husi jogador Gelvanio Alberto, golu refere mós salva kedas Karketu Dili husi Derota.
Iha minutu ikus Lalenok United Fc hetan Oportunidade hodi aumenta tan golu liu husi Daniel Adade maibé oportunidade konsege sala husi linha defensivu Karketu ho núne'e to'o termina jogu segunda parte score mantein 1-1.
Husi rezultadu empata ne'e hatuur nafatin Karketu Dili iha pozisaun dahuluk ho pontus 11 husi joga dala 5 manán dala tolu (3) no empata dala rua (2). No liu pontus tolu (3) ba AD SLB ne'ebé mak okupa iha Segundu klasifikasaun provizoriu ho pontus (7) husi joga dala liama (5) .
Enkuantu Lalenok United Fc mantein iha pozisaun (4) ho pontus (7) hanesan ho AD SLB no Ponta Leste maibé diferente golu.
Karketu Dili Fc: Frengky Cardoso, Norbertu Gonsalves, António Provirio, Domingos Ramos, Jorge Savas, Gaudensio Monteiro, Natinael Reis, José Silva, Patrick da Silva, Mickael Eugene, Boateng Appiah.
Lalenok United Fc: Fagio Pereira, Francisco da Costa, Francisco Savio, Hermino de Sousa, Santiago da Costa Zacarias Cabral, Daniel Adade Italo Soares Pementel, Patrick Berko, Pedro Vicente, Osoriu Gusmao
Rep.: CharllY