António : Karketu Dili Fc seidauk hetan ritmu jogu

Dili - Assisten treinador Karketu Dili Fc, António Timotiu informa , Armada Matak Malirin to'o oras ne'e seidauk hetan nia ritmu jogu.

Lia hirak ne'e António Timotiu, hato'o hafoin remata jogu kontra DIT Fc, iha stadion Munisipal Dili sabadu (04/12/2021).

"Ha'u sente iha Karketu la falta soke tempu ritmu joga mak seidauk to'o, ne'ebé ami dada oras atu hetan nia golu mós susar maibé ami domina ona kampu soke iha failansu ruma iha jogador mak la iha serbisu di'ak". Tenik António.

Nia haktuir, jogador estranjeiru nain rua kondisaun fiziku ladún masimu iha loron rua liu ba tun oituan ne'ebé ohin ami deside hasai sira iha jogu segunda parte troka hotu sira no tau jogador lokál de'it.

António mós rekonese katak, Failansu ida mak ami nia gelandang bertahan ne'e Boateng Appiah sai tanba akomulasi kartaun, maibé iha jogu tuir mai ami sei hadia di'ak liu tan.

Iha fatin hanesan, treinador DIT Fc Francisco Gama, "Ohin hanesan treinador foun foin mak loron rua ha'u labele muda buat hotu tanba kauza husi jogu tolu liu ba lakon sofrementu golu 8 fo presaun piskologika ida todan ba ami no ami foin tenta muda situasaun ida ne'e".

Francisco haktuir, ohin DIT kria oportunidade para golu barak Maibé na realidade DIT simu derota dala ida tan ne'e mak akontese.

"Ami hela jogu rua ami iha pontu pozetivu ida katak filizofia estratéjia ne'ebé mak hakarak implementa jeralmente mosu soke faila de'it iha finalizasaun tanba ne'e ami presiza hadia fila fali buat ne'ebé faila no espera katak bele muda situasaun ida ne'e" katak Francisco.

Rep.: CharllY