AS Ponta Leste Prontu Manan Aitana FC

DILI- AS Ponta Leste Prontu manan Aitana FC iha jornada da-4 Divizaun dahuluk Liga Futebol Timor- Leste (LFTL) hodi hakarak sai kampiun liga epoka 2021 iha loron sabadu (11/12) iha Stadium Munisipal Dili.

“Oportunidade iha jogu Aban Kontra Aitana FC mai Ami tenki manan tanba tarjetu mantein iha divizaun dahuluk LFTL liu ona no ami mos hakarak sai kampiaun iha liga epoka ne’e”, Treinador Ponta Leste Francisco Araujo ba JHD Iha sala konferensia LFTL, Bairro Formosa, Dili sesta (10/12).

“Jogu aban sira sei haosru Aitana FC, adversariu ne’e sei esforsu makaas atu sai Husi zona degradasaun entaun klube AS Ponta Leste tenki servisu makaas tanba jogu aban hasoru sira ne’e joga la hanesan baibain entaun hanesan jogu final ba Aitana FC bainhira Sira lakon Tama ba zona degradasaun nian no klube fo responsabilidade ba jogador sira katak tenki servisu makaas ba dezafiu Ida ne’e la hanesan baibain se sira manan hakat Tan pasu Ida ba leten iha tabela klasifikasaun no ikus sei haree fali ekipa atu hasoru Sira tuir Mai”. Nia hateten

Treindor ne’e hatutan, bazeia ba jogu iha semana kotuk Sira empata la konsege manan Hodi rekolla pontu tolu maibe tuir nia hanesan treinador junior klube Nia tarjetu ba nia katak mantein nafatin Iha divizaun dahuluk LFTL ne’e ultrapasa ona no mehi atu lori AS Ponta Leste sai kampiaun epoka ne’e hanesan mos ho klube bo’ot ne’ebe agora lidera tabela klasifikasaun no parte estratejia sei la joga ho jogador nain rua ne’ebe antes ne’e sai hanesan jogador efetivu tanba akumulasaun kartu entaun sira tenki halo mudansa ba tatika no formatu joga nian no lori ho jogador foun sira hodi troka sira nia fatin.

Iha sorin seluk treinador Aitana FC Octavio da Costa Alves hatete, “aban joga sei kontra AS Ponta Leste hanesan jogu final ba sira tanba agora okupa iha zona degradasaun tabela klasifikasaun ne’e iha minutu 90 nia laran tenki halo buat ruma hodi manan adversariu ne’e” .

“Avansadu klube nian antes ne’e falla maibe sira fiar an no konfidensia nafatin ne’ebe nia treinu ona sira iha loron hirak liu ba tenki hatama golu, Ida ne’e importante tebes ba avasadu sira no nia fo ona presaun ba sira aban tenki halo buat ruma iha kampu mais ou menus tenki marka golu no iha jogu daruak falla iha lina klaran maibe iha jogu datoluk diak tebes no oferese bola ba avansadu diak tebes ba avansadu dira maibe atu marka golu mak seidauk tanba ne’e Sira hadia ona Lina avansadu inklui lina klaran no defeza tenki iha finishing diak, Ida ne’e mak durante nia fo treinu ba jogador sira”. Octavio hateten

Octavio hatutan, "kondisaun jogador Diak hotu tanba sira fo mensajen ba jogador sira Tau an tanba ekipa ne’e iha hela zona degradasaun iha tabela klasifikasaun LFTL ne’ebe jogu tuir tenki iha fiziku diak".

Rep.: ADS