Assalam iha ambisaun boot hodi save 3 pontus kontra SLB

Dili - Assalam Fc iha ambisaun boot hodi sai husi jona degradasaun maibé armada verde sei hasoru klubu jigante AD SLB Laulara, iha jogu kontinusaun Liga Futebool Timor-Leste (LFTL) jornada da 5 epoka 2021.

Jogu entre ekipa Assalam Fc kontra Asosiasaun Desportu Sporting Laulara Benifica (AD SLB) ne'e sei hala'o iha stadion Munisipal Dili sesta (10/12) aban.

Dadaun ne'e Assalam Fc okupa iha kintu (5) klasifikasaun provizoriu LTFF Primeira divizaun ho pontus (3) husi joga dala tolu (3) lakon dala rua (2) no Menan dala ida (1).

Enkuantu AD SLB ka klubu estimadu (Makikit Laulara) ne'e okupa hela iha terseiru klasifikasaun provizoriu ho pontus 6 husi joga dala haat (4) manán dala ida (1) no empata dala tolu (3).

Atu asegura aan para labele degrada ba segundu divizaun Assalam Fc iha ambisaun boot sei joga ho ataka makas no joga ba oin para bele manán iha jogu nee.

"Ami nia strategia ami tenke ataka makas tanba ami atu manán iha jogu ne'e tenke servisu hatama Avansadu mak barak ho mediu ami la iha opsaun para atu joga impata maibé tenke joga ba oin para hetan pontus 3" Dehan treinador Assalam Fc, Adu Namiruru ba jornalista sira iha LFTL-FFTL XSC Dili kinta (09/12).

"Ami nia perparasaun masimu tanba SLB mós klubu ne'ebé mak di'ak Timor-Leste sira nia stok jogador di'ak ami nia populasaun antes joga hasoru DIT ami sei semana ida deskansa depois semana ida tan mak ami hasoru SLB ne'ebé ami nia perparasaun di'ak tebes"

Treinador ne'e sublina, sira tenke hetan 3 pontus para bele sai husi jona mean hodi ba iha terseiru ou kuartu klasifikasaun karik Derota tan dala ida Assalam bele tun fali ba lina degradasaun.

Rep.: CharllY