Emmanuel Fc sai Kampiaun iha Segundu Divisaun LFTL

DILI- Emmanuel FC sai kampiaun hafoin manan Academica FC iha final divizaun daruak Liga Futebol Timor-Leste (LFTL) epoka 2021 iha stadium municipal Dili 2021 tersa (7/12).

Antes tama final klube rua joga iha liga divizaun daruak nian ne’ebe sira sai hanesan kampiun kada pool nian ne’ebe konsege manan klube barak, Academika FC sai kampiuan pool A ho pontu 10 liu husi jogu dala haat no Emmanuel FC sai kampiaun iha pool B ho pontu 12 liu husi jogu dala lima.

Klube rua sai kampiuan kada pool entaun komisaun LFTL deside sira hakat ba final hodi hadau malu kampiuan divizaun segundu LFTL epoka 2021, Tamba hakarak sai kampiaun iha divizaun segundu klube rua tenki kontra malu hodi koko forsa liu husi jogu minute sianulu (90) nia laran iha final ne’ebe hetan oportunidade hanesan iha Stadium munisipal Dili tersa (7/12).

maski iha oportunidade hanesan maibe Emmanuel FC sai kampiaun iha jogu refere hafoin halakon nia diversariu ho skore 2-0 ne’ebe golu hatama husi jogador Alexandre Morreira numeru kamizola 9 asistensia husi Jogador Filomeno Savio ho numeru kamizola 10 iha minutu 11 no 45 ne’ebe determina husi minutu sianulu (90) maibe liu husi jogu entre klube rua ne’e hatudu jogu diak ho intensidade as tebes ne’ebe anima adeptu sira ho komisaun organizador sira.

Emmanuel FC sai kampiun maibe liu dalan ne’ebe la fasil tanba durante joga ho esforsu tebes halakon klube barak to’o final hodi manan nia adversriu no sira hetan premiu mak hanesan taxa ida ho osan montante 5,000 USD (dollar amerikanu rihun Lima).

Rep.: Augusto