FC Akademica hakruuk ba Ekipa Mak nakonu ho foinsa'e

Dili - Klubu promovidu Emmanuel Fc sai Kampeaun ba Ligasaun Futebool Timor-Leste ( LFTL), hafoin Liki Academica Fc ho score 2-0 iha jogu Final mak hala'o iha stadion Munisipal Dili segunda (07/12/2021).

Iha inisiu jogu ekipa rua ne'e hotu hotu ho ambisaun aas hodi marka golu iha jogu Final ne'e, maibe ekipa Emmanuel Fc ne'ebé hatudu ritmu jogu desde inisiu jogu konsege domina bola.

No tama ba iha minutu 11 klubu provizoriu ne'e lidera kedas ho score 1-0, hafoin jogador Alexandre Moreira fura rede Academica Fc ne'ebé mak hein husi Carvarinho Fernandes.

Avansadu ho númeru kamizola 9 ne'e marka golu hafoin simu assistensia bola kruza husi nia kompaaineru Filomenio Savio.

Sofre ona golu ida ekipa Academica Fc, halo hikas kontra ataka ho núne'e liu de'it minutu 2 Academica Fc konsege lansa suta ameasa dala ida ba rede Emmanuel Fc maibé seidauk kona tarjetu.

Ekipa rua ne'e mantein lansa kontra ataka ba malu ho intensidade jogu ne'ebé aas maibé defensivu husi Academica Fc ne'ebé ladún solidu ba Klubu promovidu Emmanuel Fc.

Ho núne'e fasil ba ekipa Emmanuel Fc hodi kontinua fo presaun, no tama ba iha minutu 31, Alexandre koko remata tan dala ida maibé sei bele antisipa husi guarda rede.

Tama ba iha Minutu 33 Emmanuel Fc remata tan dala ida liu hosi jogador Jonatas Pereira maibé seidauk kona alvu.

Tama ba iha Minutu 43 Filomenio Savio konsege remata tan dala ida atu amuenta tan golu maibé bola kruza husi nia kompaaineru Carolino correia maibé la aproveita ho di'ak simu suta sei bele antisipa ho núne'e la rezulta golu.

Iha min 44 Emmanuel Fc hetan tan oportunidade osamean hodi aumenta tan golu maibé jogador Alexandre Moreira ne'ebé hamrik livre no simu bola kruza husi nia kompaaineru Fretelino dos Santos maibé bola kona fali hodi aas liu ho núne'e la rezulta golu.

Públiku Emmanuel foin haklalak fila fali iha minutu 45+1, hafoin jogador Alexandre marka tan nia naran hodi muda aumenta score ba 2-0. Ho score ne'e mantein to'o termina jogu primeira parte.

Kontinua ba jogu segunda parte Emmanuel Fc la hatun intensidade jogu ho nune'e jogu segunda parte la'o foin minutu 2 Alexandre remata remata kedas maibé sei bele save ho di'ak husi guarda rede.

Tama ba iha minutu 57 Academica Fc konsge suta ameasa dala ida ba rede Emmanuel Fc liu husi jogador Pascoal Fernandes maibé, sei bele blok husi guarda rede Emmanuel Fc Carvarinho Fernandes ho núne'e la rezulta golu.

Tama ba iha minutu 87 Luis Gusmao konsege suta ameasa dala rua tuir malu maibé sei bele salva ho di'ak husi guarda rede.

Score 2-0 mantein to'o termina jogu segunda parte vitória ba Emmanuel Fc hodi sai Kampeaun ba Liga Futebool Timor Leste (LFTL) Divizaun 2 epoka 2021.

---

Emmanuel Fc : Carvarinho Fernandes, Afonso de Carvalho, Alexandre Moreira, wa Filomeno Savio, Jonatas Pereira, Juvito Moniz, Mário Quintao, Jeferino Nheu, Carolino Correia, Bernardino de Sena, Fretelino dos Santos.

Academica Fc: Otilio Guterres, Erolismo Martins, Leandro Amaral, Romulo Escorial, Filipe Ling, Helmerino Mendes, Alexandre da Cruz, Joel Gaio, juvinal Boavida, Desonisio da Costa, Pascoal Fernandes.

---

Rep.: CharllY