Gaspar : Lalenok United Fc Nafatin forte hanesan Uluk

Dili - Relasiona ho jogu jornada 4 ne'ebé entre Lalenok United kontra Aitana Fc ne'ebé mak sei hala'o iha loron (03/12/2021) Treinador Lalenok United Gaspar Amaral hatete, sira nafatin forte hanesan uluk.

"Lalenok United Fc uluk ate agora nafatin forte maske iha falla no lakon maibe ida ne'e la sai frakeza ba klubu ida ne'e, hamutuk ho ekipa ami sei esforsu iha loron aban uza maneira hodi bele rekola vitoria tres pontus ne'e" dehan Gaspar ba jornalita sira liu husi konferensia imrensa iha Xanana Sport Center Bairru Gerilu Dili kinta (02/12/2021).

Gaspar hatete, Lakon iha passadu hasoru As. Ponta Lente Fc ida nee sai lisaun ida ba sira nia ekipa no sira lakoi atu falla ne'e akontese tan.

"joga ba loron aban nian hasoru Aitana Fc ami nia jogador Santiago da Costa Numeru 9, labele kontinu jogu akompanna de'it to'o kampionatu ne'e remata tamba haree ba nia kondisaun ne'ebe grave uituan" tenik Gaspar.

Jogador konfiansa husi klubu Lalenok United Fc labele partisipa jogu Liga Futebol Timor-Leste hasoru nia Adversariu Aitana Fc, jogu ne'e sei hala'o sem hetan partisipa husi Santiagu da Costa, ba jogador ne'e nia fatin treinador sei buka jogador seluk hodi prense fali ba nia fatin.

Iha fatin hanesan treinador Aitana Fc Octavio da Costa Alves hatete, “ba loron aban loron ne'ebe importante ba sira nia ekipa atu joga ho di'ak, aban ne'e sira mais preparadu liu no tarjetu mak finalidade ba ekipa Aitana Fc buka tres pontus" hateten Octavio.

Ba linha sira nebe mak falla iha passadu ekipa refere hahu hadia ona, ho optimista no fiar an Aitana Fc prontu joga hasoru Lalenok United Fc.

Rep.: Lidia & Putri