Karketu Dili Fc lidera klasifikasaun hafoin Halakon DIT Fc
- jhdmediatl
- Dec 4, 2021
- 2 min read
Dili - Karketu Dili Fc halakon nia ekipa adversariu DIT Fc ho score 1-0 iha jogu kontinuasaun Liga Futebool Timorense (LFTL) Primeira Divizaun jornada 4 ne'ebé mak hala'o iha Estadion Munisipal Dili, Sabadu (04/12/2021).
Iha inisiu jogu Primeira parte ekipa rua hotu hotu hatudu jogu ne'ebé furak iha kampu hodi atrai adeptus Futebolovers sira liu husi kontra ataka ba malu.
Maibé iha inisiu jogu Armada Ajuleiro ne'ebé mak foti inisiativa serang konsege hetan oportunidade hodi lansa suta dala rua ba rede Karketu Dili Fc maibé seidauk kona nia tarjetu.
Ho núne'e ritmu jogu komesa makas liu tan entre ekipa rua ne'e maibé to'o termina jogu primeira parte la iha golu ruma mak akontese ho nune'e score mantein okulista 0-0.
Kontinua ba jogu segunda parte ekipa rua ne'e mantein lansa konra ataka ba malu liu husi tatika jogu ida-idak nian.
Tama ba iha minutu 50 Karketu Dili Fc troka kedas nia Jogador estranjeiru Mickael Eugene sai hodi hatama fali jogador lokál Gelvanio Alberto.hodi halo mudansa ba tatika .
Liu de'it minutu tolu Armada Matak Malirin troka tan nia Jogador estranjeiru Patrick da Silva, hodi hatama fali tan jogador lokál Silvestre Gama.
Mudansa ne'ebé mak armada Matak Malirin halo susesu fo rezultadu pozetivu, tanba iha minutu 69, Matak Malirin konsege lídera ho score 1-0. Golu husi Karketu Dili Fc ne'e marka husi jogador Gaudensio Monteiro, liu husi kabesda.
Hela ho score 1-0 Armada Ajuleiro tenta halo presaun makas ba Karketu Dili maibé la konsege muda score to'o jogu segunda parte termina vitória ba armada Matak Malirin ho score 1-0.
Husi rezultadu vitória ne'e lori ekipa Karketu Dili Fc, okupa iha primeiru klasifikasaun provizoriu Liga Futebool Timorense Primeira Divizaun.
Enkuantu armada Ajuleiro mantein iha zona mean no ameasaadu hodi degrada ba iha segundu divizaun nian.
Karketu Dili Fc : Frengky Cardoso, Norbertu Gonsalves, António Provirio, Domingos Ramos, Angiso Barbosa, Gaudensio Monteiro, Natanael Reis, José Da Silva, Celsio Escural, Patrick da Silva, Mickael Eugene.
DIT Fc: Ricardo Nunes, Feliciano Gonsalves, Pedro da Silva, Ruben Borges, Ervinho Soares, Dino Amaral, Edivaldo Castro, Sewor Mahuse, José Almeida, Anito Cesario, Edencio da Costa.
Rep.: CharllY
Comentarios