DILI- Klube S’Amuser FC sai kampiaun Liga Femenina divizaun dahuluk epoka 2021 hafoin halakon AD SLB Laulara iha jornada ikus ho skore 4-1 iha kampu FFTL sabadu (11/12).
Iha jornada ikus liga Femenina jogu S’Amuser FC kontra AD SLB Laulara sai jogu determinante ba S’Amuser FC tanba sira iha oportunidade atu sai kampiaun ba liga iha epoka 2021.
Iha parte dahuluk S’Amuser FC hodi inisitiva presaun ba Nia adversariu no AD SLB Laulara mos halo kontra atake ba nia adversariu maibe to’o iha minutu balun nia laran jogu tenki para tanba kauza husi udan halo lampu nakonu ho be’e susar ba jogadora sira halo jogu.
Ekipa rua Nia jogu Anima tebes adeptu sira maibe iha minutu 12 jogadora S’Amuser FC Dolores V. Silva Costa numeru kamizola Marka kedas golu ba rede Adversariu nian tanba baliza la konsege asegura Nia rede Hodi muda skore ba 1-0 no Sira nafatin halo kontra atake ba malu maibe S’Amuser FC nafatin lidera to’o parte dahuluk remata.
Tama ba parte daruak ekipa rua halo kedas kontra atake ba malu to’o iha minutu 78 jogadora S’Amuser FC Leticia do Rego numeru kamizola 20 Marka golu muda skore ba 2-0, ekipa SLB nafatin halo atake hodi hetan golu maibe iha minutu 81 Jogadora S’Amuser Dolores V. Silva Costa numeru kamizola 7 Marka Tan golu hodi muda skore ba 3-0 depois iha minutu 85 jogadora Leticia do Rego Marka Tan golu ba daruka hodi muda skore 4-0.
Ho lakon golu 4 AD SLB Laulara nafatin tenta atu marka golu, nune'e to’o minutu 90 Jogadora Godelivia Martins konsege Marka golu hodi muda skore 1-4.
To apitu lian, la akontese tan golu ruma. Nune'e S'Amuser konsege rekolla pontu 3.
Vitoria Ida ne’e Lori S’Amuser FC sai kampiaun ba Liga Femenina divizaun dahuluk epoka 2021 ho pontu 18 husi jogu Dala ualu manan dala-5 no empate Dala-3 hodi lidera tabela klasifikasaun liga nian. Enkuantu AD. SLB okupa pozisaun 3 ho pontus 10.
Rep.: ADS