Luisinho dos Santos, ami preparadu hasoru klube ne'ebe nakonu ho foinsa'e no esperiente

Dili-06/12/2021, Konferense emprensa no teknikal Metting husi treinador no Manager husi klubu Emanuel Fc ho Academica Fc ne'ehala'o iha LFTL-FFTL XSC Dili segunda Feira 10:00 OTL Dader.

Iha Konferense emprensa ne'e, tuir treinador Klubu Emanuel hateten, “Emnanuel Fc prepara ona tatiku no fisik atu hasoru ekipa Academica Fc jogu final. tuir nia, Jogador ida-idak tenke esforsu hodi marka sira-nia istoria durante kareira iha mundu Futebol.

"Ba ha'u treinador, fo motiva ba Ha'u nia jogador foun sira katak sira ida-idak tenke halo historia ba sira nia Careira de futebol". Tenik Emilianu da Silva.

enkuandu, iha sorin seluk kueze jogador nain 3 mak foin rekupera husi aleija, nune'e iha posibilidade atu sira bele joga ou lae iha loron aban.

"Kondisaun Jogador kuaze 75 persen iha ha'u nia jogador nain rua ka tolu mak hetan sofre aleija mais di'ak oituan ona,aban mak iha oportunidade sira joga bele joga sei oportunidde la bele joga ha'u fiar katak sira seluk bele" Tenik treinador Emanuel Fc.

Iha fatin hanesan tuir treinador Academica Fc Luisinho dos Santos informa ba media nasional sira katak, sira preparadu ba jogu final hodi tenta apresenta jogu diak no tan Emmanuel Fc nakonu ho jogador foinsa'e no esperiente iha Selesaun sub-19 maka ami tenki buka stratejia ba ofensivu no defensivu Ida diak.

"Ami preparadu masimu ba aban, sei uza estratejia ne'ebé mak tenke di'ak halo atake tenke makas no tenke halo defensivu oituan".

Nune'e ekipa rua kuaje iha preparasaun masimu, jogador kompletu nomos iha preparadu tatikamente atu bele kontra malun iha final ne'ebe sei akontese iha loron Tersa Feira, 07 Dezembro 2021. Jogu final refere sei apresenta jogu ida ke diak no animadu ba publiku.

Rep.: Lidia