Maranatha Fc Trava S'Amuser Fc ho score 0-0

Dili- Maranatha Fc trava S'Amusee ho score 0-0, iha Jogu kontinuasaun Liga Timorense de Futebool Femenino (LTFF) Primeira Divizaun jornada 9.

Jogu ne'ebé hala'o iha Kampu Demokrasia Dili Domingo (05/12/2021) ohin iha inisiu Klubu rua ne'e la'o ho intesidade aas tebes desde iha Inisiu jogu hodi kontra atake ba malu, liu husi hatudu tatika jogu ne'ebé la hanesan, no ida-idak ho esperansa hakarak loke golu ba dahuluk.

Liu husi atake malu ne'e akontese bola falta Klubu Maranatha Fc hetan oportunidade suta, nune'e arbitu deside suta liu husi Jogador númeru kamizola 12 maibé la rezulta golu tanba sei bele blok husi guarda rede

Nune'e jogu kontinua la'o ho animado tebes Klubu rua fo amiasa ba malu ho meneira ne'ebé uniku tanba haree husi Jogador sira nia amiasa ne'e dala ruma mós liu husi suta livre maibé la resulta golu ida.

Iha minutu balun Jogador husi S'Amuser Deores Silva númeru kamizola 7 hetan bola iha liña klaran lori halai ba iha rede Maranatha nia oin tiru maibé gurada rede halai ba oin kaer metin bola iha liman.

Maske klubu rua ne'e kontinua lansa kontra atake ba malu hodi buka score maibé to arbitu deside oras primeira jogu remata la iha golu ida husi Klubu rua ne'e score nafatin 0-0.

Tama ba segundu parte, klubu rua kontinua ho ritmu aas hodi halo atake malu pasa bola ba malu liu husi ain ba ain,kuaze iha 10 minutu nia laran bola dolar de'it iha mediu tanba guarda defensivu husi kada ekipa la fó fatin ba malu.

Klubu rua ne'e hatudu forsa ne'ebé hanesan iha kampu laran, ho esforsu husi S'Amuser iha minutu balun bola dolar tun ba iha liña defeza Maranatha nia,hodi akontese bola falta ba dala rua tui-tuir malu.

Ho oportunidade liu husi bola falta ne'e arbitu fó ba S'Amuser suta dahuluk liu husi Jogador numero kamizola 3 maibé la resulta golu no suta bola ba daruak nia liu husi Jogador númeru kamizola 4 maibé nafatin la konsege golu tanba salva husi Guarda rede.

halo jogu manas liu tan ho ne'e Klubu Amuser ho ambisaun ne'ebé boot hakarak produz golu, nune'e iha Segundo parte maske Amuser halo amiasa barak liu ba iha rede Adversáriu maibé ho maneira ne'ebé obriga liu bola difisil atu marka golu.

Ho ne'e oportunidade ikus Jogadores husi Maranatha fc numero kamizola 27 kebesa bola iha rede S'Amuser nia oin maibé Guarda rede konsege antisipa ho di'ak.

Maske klubu rua Maranatha fc no S'Amuser ne'e servisu makas tebes iha inisiu jogu to kontinua ba iha Segundo jogu atu hatama golu maibé to'o arbitu nia apita ikus hatudu katak to ona 90 minutu ho ne'e jogu remata Klubu rua impata score 0-0.

Husi rezultadu ne'e la muda pozisaun ekipa Maranatha hodi mantein iha pozisaun da 4 ho pontus 9 husi joga dala 8 manán dala 2 no empta dala 3.

Enkuantu Armada, Verde mantein okupa iha primeiru klasifikasaun provizoriu (LTFF) ho pontus 15 husi joga dala 7 manán dala 4 no empata da 3

Rep.: Lidia