Marka golu rua, Octavio agradese ba Kefy

Dili - Treinador Aitana Fc Octavio da Costa Alves hatete nia parte Agradese ba nia jogador Francyatma Ima Kefy. Tanba husi nia golu rua ne'e fo vitória ba nia ekipa Aitana manán As Ponta Leste ho score 2-1.

Jornada da - haat Liga Futebool Timorense Primeira Divizaun epoka 2021 entre Aitana Fc kontra As Ponta Leste. Ekipa rua ne'e hala'o iha Estadio Munisipal Dili, Domingu (11/12/2021).

Iha jogu ne'e Aitana sofre uluk golu ida iha minutu 22 hafoin Martinho dos Santos fura rede Aitana Fc ne'ebé mak hein husi guarda rede Yusak Redjauw, maibé liu de'it minutu 6 Aitana responde hikas liu husi Avansadu Francyatma Ima Kefy hodi halo empata score ba 1-1.

Francyatma Ima Kefy marka tan golu ida iha segunda parte hodi fo vitória ba nia ekipa Aitana Fc ho score 2-1.

Hafoin remata jogu treinador Aitana Fc Octavio da Costa Alves hatete, "Agradese ba tebes ba nia tanba haree linha oin atu hatama golu la hatama golu nufin Kefy hatama duni golu ne'e mak ha'u fo Agradese ba nia tanba nia bele fo vitória ba ami" dehan Octavio .

Nune'e mós Jogador Francyatma Ima Kefy hatete, jogu primeiru la hatudu performa di'ak tanba seidauk akapta ho Aitana nia sistema jogu.

" Jogu Primeiru ha'u ladún hatudu performa di'ak tanba ha'u seidauk akapta ho Aitana nia jogu ne'e mak ha'u sente difisil mai ha'u" Dehan Kefy

Rep.: CharllY