Ponta Leste 'Hakfodak' no Rekonese Jogu Tatika SLB

Dili - Treinador As Ponta Leste Francisco Araújo 'Hakfodak' no Rekonese AD SLB Laulara iha kultura tatika mak di'ak.

AD SLB Laulara empata ho score 0-0 iha Jogu kontinusaun Liga Futebool Timorense Primeira Divizaun jornada 4 ne'ebé maka hala'o iha Estadion Munisipal Dili Domingu (05/12/2021).

"Hanesan antes ha'u dehan ona katak SLB iha kultura bola bozisaun ne'ebé mak di'ak maibé ha'u kontente joga ida ohin ne'e di'ak maske ami fahe pontus de'it" Dehan Francisco.

“Ha'u mantein nafatin ho ha'u nia ekipa ne'ebé mak tatika ohin troka to'o dala rua dala tolu maibé ekipa adversariu ekipa ida ne'ebé mak joga ain ba ain ne'ebé maka di'ak entaun ami nia Jogador faila iha jogu ain ba ain no ida mós finalizasaun mak la masimu tanba jogador iha oin ladún iha komisaun di'ak" haktuir Francisco.

Francisco hatutan, Maibé ohin haree rezultadu empata fahe pontus maibé jogu ne'e mak furak.

Iha fatin hanesan treinador AD SLB Laulara, Efren Jeronimo konfesa, "Hanesan horibainhirak ha'u dehan ona katak jogu ne'e 90 minu mak determina ne'ebé ami mós esforsu aan tomak, maibé ohin ha'u sente kontente tanba ekipa rua ne'e hatudu jogu ho di'ak".

Efren esplika, iha perpasaun tuir mai normál ekipa hotu hotu hakarak manán maibé 90 minutu mak determina

"ita fahe pontus Ponta Leste mós esforsu aan hakarak manán no ami mós esforsu aan hakarak manán, maibé ikus ami fahe pontus hanesan, Maibé ami nia Jogador esforsu aan nafatin ba jogu tuir mai ami sei hadia di'ak liu tan" dehan Efren.

Efren hatete, Jogador bali ne'ebé mak la reforsa SLB tanba reforsa Selesaun Nasionál ne'e SLB sente falta tuir no los jogador kompetu hatudu netik buat ruma maibé tanba sira la iha sira tenke tahan too empata hanesan ne'e.

Rep.: CharllY