Sala antisipa bola falta, Aitana Fc sofre derrota

Dili - jogador prinsipál Lalenok United Italo Soares Pementel susesu Marka golu ida liu husi suta livre hodi lori nia ekipa rekolla pontus 3 iha jogu kontinuasaun Liga Futebool Timorense Primeira Divizaun jornada 3 ne'ebé mak hala'o iha Estadion Munisipal Dili sexta (03/12/2021).

Iha inisiu jogu ekipa rua hotu hotu iha amibasau hodi marka golu liu husi kontra atake ba malu. No tama ba iha Minutu 18 Soares konsege lansa suta dala ida ba rede Aitana Fc maibé seidauk kona tarjetu, Soares remata tan dala ida iha minutu 21 maibé sei bele antisipa husi guarda rede Aitana Fc Yusak Redjauw.

Ekipa rua mantein lansa kontra ataka ba malu no tama ba iha minutu 42 Aitana Fc hetan oportunidade hodi marka golu liu husi Avansadu Edit Savio maibé se bele antisipa husi defeza Pedro Vicente.

Lalenok United produs golu ida iha minutu 45+1 liu husi jogador Italo Soares Pementel, Jogador nasionalidade Brazil ne'e marka golu liu husi suta livre no gurda rede Yusk Radjauw la konsege salva ho nune'e muda score ba 1-0, ho score refere mantein to'o termina jogu primeira parte.

Kontinua ba jogu segunda parte ekipa Aitana Fc ne'ebé foti inisiativa serang konsege remata dala ida ba Lalenok United, iha minutu 47, liu husi Edit Savio maibé seidauk kona tarjetu.

Ekipa rua ne'e mantein lansa konta ataka ba malu no tama ba iha minutu 62 Aitana Fc hetan tan oportunidade hodi marka golu liu husi jogador Miguel Araújo, maibé seidauk hetan tarjetu.

No tama ba iha minutu 65 Lalenok United konsege suta ameasa ba rede Aitana Fc liu husi jogador Zacarias Cabral maibé sei bele antisipa husi guarda rede Aitana Fc nune'e la rezulta golu.

Tama iha minutu 76 Edit Savio hetan oportunidade hodi fura rede Lalenok United maibé sei bele antisipa husi guarda rede nune'e la rezulta golu.

Ekipa rua ne'e kontinua lansa kontra ataka ba malu maibé la iha golu ruma mak akontese to'o termina jogu segunda parte eskor mantein 1-0, vitória ba Lalenok United

Husi rezultadu vitória ne'e lori ekipa Lalenok United okupa provizoriu iha terseiru klasifikasaun Liga Futebool Timorense Primeira Divizaun ho pontus 6 husi joga dala tolu (3) manán dala rua (2) no lakon dala ida (1).

Enkuantu ekipa Aitana Fc mantein iha pozisaun 6 provizoriu ho pontus ida (1) husi joga dala tolu (3) manán lakon dala rua (2) no empta dala ida (1).

---

Lalenok United : Fagio Pereira, Francisco da Costa, Francisco Savio, Hermino de Sousa Melchior Ribeiro, Zacarias Cabral, Daniel Adade, Italo Soares Pementel, Abrao Mendonca, Denilson Araújo, Pedro Vicente.

Aitana Fc: Yusak Redjauw, Roberto Maia, Lamberto Ximenes, Rigelberd Lay, Angelo Fernandes, Alexandre Nogueira, Miguel Ximenes, Miguel Araújo, Edit Savio, José Pereira.

---

Rep.: CharllY