Vanesa Fernandes Quat-trick, AD. SLB festa golu hasoru Academica Fc

Dili-04/12/2021, Jogu kontinuasaun liga Timorense futebol Femenino Klubu Academica Fc hasoru Klubu AD. SLB Laulara iha kampu Democrasia Klubu Academica derota ho Score 0-10.

Hahú ba jogu dahuluk Klubu rua direitamente foti inisiativa lansa kedas kontra atake ba malu iha kampo laran maibe esforsu hirak nee oportunidade dahuluk monu ba AD.SLB Laulara fura uluk rede academica iha minutu 13 liu husi Jogador Vanesa fernandes númeru kamizola 17 ho Score 0-1.

Klubu AD. SLB Laulara aumenta score la lori minutu naruk ho de'it minutu 2 Jogador Vanesa fernandes konsege muda tan score ba 0-2 iha minutu 15.

Husi ne'e AD.SLB Laulara komesa esforsu an liu tan domina bola iha jogu primeira parte,halo atake makas liu tan ba jogador Academica halo Klubu academica difisil atu hetan bola husi AD.SLB Laulara nia ain.

Ho oportunidade hirak ne'e jogador husi AD. SLB Laulara Vanesa fernandes hetan tan bola, no muda score ba 0-3 iha minutu 23.

Ho score ne'e hamate ona espiritu Jogador husi academica nian, halo sira la iha ona vontade atu atake ba iha jogador AD. SLB Laulara, fasil ba AD. SLB Laulara atu produz golu, tama ba minutu 34 AD SLB Laulara Jogador Natalia Da Costa númeru kamizola 11 produza tan golu hatur score ba 0-4.

Entretanto ho esforsu husi Jogador Klubu AD. SLB Laulara nia jogador Natalia Da Costa hetan tan oportunidade ba dala rua iha minutu 42 marka tan golu ida ba rede Academica molok primeira jogu remata ho score 0-5.

Tama ba jogu daruak, molok joga Klubu AD.SLB halo subtituisaun ba nia jogador troka númeru kamizola 9 hatama Jogador númeru kamizola 12,ho subtituisaun ne'e lori rezultadu Positivu ba AD.SLB Laulara jogu la'o ho de'it minutu 47 jogador Vanesa fernandes númeru kamizola 17 produz tan golu ida ba rede Academica ho score 0-6.

Ho score ne'e halo Jogador Academica komesa menos ona estamina no susar ba sira atu hetan bola, bola sempre iha de'it Jogador AD SLB Laulara nia ain ho ne'e iha minutu 57 AD. SLB Laulara Jogador Natalia da Costa produz tan golu, Score muda ba 0-7.

Ho situasaun hirak ne'e AD. SLB Laulara komesa halo amiasa beibeik ba iha rede Academica nian i konsege muda tan score ba 0-8 liu husi Jogador Leticia Soares númeru kamizola 12 iha minutu 70 golu liu husi cabesa iha rede Academica nia oin.

Haree ba jogu Segundo parte laiha amiasa husi Jogador Klubu Academica ba iha rede AD. SLB Laulara nian tanba AD. SLB Laulara kontrola bola ho di'ak susar ba Academica atu liu liña defeza.

Alende Klubu Academica mós laiha Jogador ne'ebé reserva ho ne'e halo sira Jogador sira sente kolen tanba husi primeira jogu to Segundo jogu laiha subtituisaun husi Klubu Academica .

Nune'e bola sempre nakdulas de'it iha liña defeza Academica nia iha minutu 85 AD. SLB marka tan golu ida liu husi Jogador Godelivia Martins numero kamizola 13 score 0-9.

Aprofeita oportunidade ba dala rua husi Jogador Godelivia Martins husi Klubu AD. SLB Laulara iha 89 minutu hasae tan score ba 0-10, wainhira Godelivia hetan bola iha nia liña defeza nia hodi lori halai ba iha rede Academica nia suta bola tama liu ba rede laran Guarda rede la konsege antisipa.

Husi ne'e Academica la hetan oportunidade no laiha golu ida ba rede AD. SLB Laulara to jogu termina vitória ba AD.SLB Laulara ho Score 0-10.

Rep. Lidia