Wilson Ribeiro : Lakon sai hanesan Matéria ba Jogador

Photo JH Media FFTL

Dili-Hafoin derota liu husi marka Penalidade ho score 3-2 iha meus finais Copa Rosa Muki Bonaparte kontra nia ekipa adversariu S'Amuser. Assisten treinador Buibere Fc Wilson Ribeiro hatete, Lakon sai hanesan Matéria ida ba jogador atu prepara di'ak iha jogu tuir mai.

Lia hirak ne'e hato'o husi Assistant treinador Buibere Fc Wilson Ribeiro ba Media JHD iha kampu Demokrasia Dili kuarta (01/12/2021).

"Futbool mak hanesan ne'e, iha menan no lakon tanba kundo ita lakon sai hanesan matéria ida ba jogador atu prepara di'ak liu tan iha iha jogu tuir mai". Dehan Wilson.

Ohin ekipa rua hasoru malu ne'e la'o ho kapás tebes, iha jogu primeira parte Jogador S'Amuser ne'ebé ho naran Dolores ne'ebé halai di'ak ami konsege hamate no iha Segundo parte ami iha vantajen maibé la konsege marka golu.

Ikus liu Wilson hatete, “Jogu ne'e sempre iha meman no lakon ne'ebé ohin Buibere derota iha Penalidade ne'e hanesan materia ida no ba oin sei hadia di'ak liu tan”.

Iha fatin hanesan treinador S'amuser Olizio dos Santos Sarmento hatete, “Ami hasoru Klubu Buibere Fc iha jogu Taça ne'e diferente oituan tanba Buibere jogu ho di'ak tanba ohin ne'e halo atake makas hodi fo amiasa ba iha S'Amuser Fc maibé tanba S'Amuser ho estratejia rasik la fo fatin atu marka golu”.

"ita hatene katak penalidade ne'e,jogu husi Klubu rua ne'e forte tebes mak ikus ba iha penalidade ne'e". tenik Olizio.

Ne'ebé ha'u fo parabens mós ba Buibere Fc tamba joga kapás maibé lakon iha penalidade no agradese ba ha'u nia jogador sira tanba servisu makas, servisu hamutuk iha ekipa ho kolaborasaun sira nia no pasiencia liu dezafiu iha jogu loron ohin nia.

Nune'e mós Guarda rede S'Amuser Madalena Lucia Da Fatima hatete, Jogu ohin ne'e konpete di'ak los tanba ekipa rua ne'e hotu hotu perparadu.

"Iha Penalti ne'e primeiru ha'u mós fuan la hakmtek tauk tanba foin primeira vez hanesan ne'e, entaun ha'u iha hanoin rasik ho fuan boot ba Klubu ne'e, ha'u presija focus hodi salva bola husi penalti ne'e maske ohin sente bin balun husi Buibere nia bola ne'e makas maibé ha'u orgulho ba ha'u nia rasik tanba ha'u bele salva" tenik Guarda rede S'Amuser.

Rep.: Lidia & Putri